Në mbështetje të ligjit nr.139/2015, “Për vetëqeverisjen vendore”, Ligjit nr.7961, dt.12.07.1995 “Kodi i Punës i Republikës së Shqipërisë” (i ndryshuar), Urdhërit nr. 334, datë 01.02.2024 “Për miratimin e Strukturës dhe Organikës të Institucionit “Tirana Parking”, Institucioni Tirana Parking, shpall procedurat për vendet e lira të punës:
- Kryeinspektor, Drejtoria e Administrimit të Shërbimit të Parkimit me Pagesë në Sheshe dhe Terminale (kategoria e pagës III-A) – 1 vend
- Punonjës shërbimi, Drejtoria e Administrimit të Shërbimit të Parkimit me Pagesë në Sheshe dhe Terminale (kategoria e pagws, klasa VIII) – 3 vende
- Specialist sektori Hartografi Gis, Drejtoria e Shërbimit të Parkimit në Rrugë, Rezident, Taxi dhe Hartografi GIS, (kategoria e pagës III-B) – 1 vend
- Përgjegjës Sektori i Asistencës Ligjore dhe Përfaqësimit Gjyqësor, Drejtoria Juridike (kategoria e pagës III-A) – 1 vend
- Specialist, Drejtoria e Prokurimit Publik (kategoria e pages III-b) – 1 vend
- Specialist, Drejtoria e Prokurimit Publik (kategoria e pagws IV-A) – 1 vend
- Specialist, Sektori i Komunikimit me Publikun, Drejtoria e Komunikimit me Publikun, (kategoria e pagës IV-a) – 1 vend
- Specialist Arkive, Sektori i Burimeve Njerëzore, Drejtoria e Burimeve Njerëzore dhe Shërbimeve Mbështetëse, (kategoria e pages III-b) – 1 vend
Kandidatët duhet të plotësojnë kërkesat e posaçme si vijon:
- Të jetë shtetas shqiptar;
- Të ketë diplomë në Arsimin e Lartë, sipas profilit të kërkuar;
- Të ketë kryer Arsimin e Mesëm (për profilin);
- Të jetë në gjendje të mirë shëndetësore dhe të aftë fizikisht e mendërisht për të vepruar
- Të mos jetë i dënuar nga organet gjyqësore dhe të drejtësisë me vendim të formës së prerë;
DOKUMENTACIONI, MËNYRA DHE AFATI I DORËZIMIT
Kandidatët duhet të dorëzojnë dokumentat si më poshtë:
- Kërkesë për aplikim;
- Jetëshkrim;
- Fotokopje e Kartës së Identitetit;
- Certifikatë e përbërjes familjare;
- Fotokopje e diplomës 4-vjeçare, Bachelor, Master Shkencor dhe lista e notave e noterizuar (për përgjegjësit e sektorëve);
- Fotokopje e Diplomës Bachelor dhe Master dhe lista e notave e noterizuar (për specialistët);
- Certifikata kualifikimi të ndryshme (në rast se ka);
- Fotokopje e librezës së punës;
- Raport mjeko-ligjor;
- Vërtetim i Gjendjes Gjyqësore;
Dokumentat duhet të dorëzohen me postë në adresën: Rruga “Ali Begeja”, Ndërtesa nr.16, Kodi Postar 1017, Tiranë
MËNYRA E VLERËSIMIT TË KANDIDATËVE
Kandidatët do të vlerësohen në lidhje me dokumentacionin e dorëzuar.
Kandidatët, në intervistën me gojë do të vlerësohen në lidhje me:
a- Njohuritë, aftësitë në lidhje me punën;
b- Eksperiencën e tyre të mëparshme;
c- Motivimin, aspiratat dhe pritshmëritë e tyre për punën.
DALJA E REZULTATEVE DHE MËNYRA E KOMUNIKIMITNë përfundim të vlerësimit të kandidatëve, institucioni Tirana Parking do të shpallë rezultatet duke i kontaktuar me telefon, si dhe në stendën e njoftimeve.
Afati i dorëzimit të dokumentacionit, është data 17.04.2024.