Parkimi publik me pagesë në rrugë
Tirana Parking administron shërbimin e parkimit publik me pagesë në rrugë, duke ofruar një sistem të rregullt dhe të kontrolluar parkimi në hapësirat publike të qytetit.
Ky shërbim synon të optimizojë përdorimin e hapësirave të parkimit dhe të kontribuojë në përmirësimin e qarkullimit në Tiranë.
Zonat e parkimit
Në bazë të Vendimit të Këshillit Bashkiak nr. 49, datë 11.11.2015, janë përcaktuar rrugët ku shtrihet shërbimi, numri i vendparkimeve dhe sistemi tarifor për parkimin në rrugë.
Tirana është e ndarë në tre zona tarifimi:
- Zona A
- Zona B
- Zona C
Çdo zonë ka tarifën përkatëse të parkimit.
Kur është parkimi me pagesë?
| Ditët | Orari | Statusi |
|---|---|---|
| E Hënë – E Premte | 07:30 – 20:00 | Parkim me pagesë |
| E Shtunë – E Diel | Gjatë gjithë ditës | Parkim pa pagesë |
| Çdo ditë | 20:00 – 07:30 | Parkim pa pagesë |
Si kryhet pagesa?
Pagesa për parkimin në rrugët me sistem tarifimi kryhet nëpërmjet SMS-it në numrin 50500.
Në SMS duhet të shkruani:
Targën e automjetit + hapësirë + zonën e tarifimit
Shembull:
AA123AA
Kujdes: Targa e automjetit duhet të shkruhet pa hapësira.
Tarifat e parkimit
| Zona | Tarifa | Kohëzgjatja |
|---|---|---|
| Zona A | 100 Lekë | 1 orë |
| Zona B | 40 Lekë | 1 orë |
| Zona C | 20 Lekë | 1 orë |
Njoftimi për përfundimin e parkimit
10 minuta para përfundimit të kohës së paguar të parkimit, drejtuesi i automjetit njoftohet me një SMS paralajmërues.
Nëse dëshironi të qëndroni më gjatë, koha e parkimit mund të zgjatet duke dërguar një tjetër SMS.
Çfarë ndodh pas përfundimit të kohës së paguar?
Nëse automjeti qëndron i parkuar pas përfundimit të kohës së paguar, inspektorët e Tirana Parking verifikojnë situatën në sistem.
Në rast se konstatohet tejkalimi i kohës së paguar, Policia Bashkiake aplikon gjobën ndëshkuese, sipas rregullave në fuqi.
Parkimi kontribuon në një Tiranë më të mirë
Të ardhurat e krijuara nga shërbimi i parkimit kontribuojnë në realizimin e më shumë investimeve për qytetin dhe përmirësimin e hapësirave dhe shërbimeve publike.
Me të ardhurat nga parkimi, kryejmë më shumë investime për Tiranën që duam.
